DÍA CONTRA A LGTBfobia NO DEPORTE

O 19 de febreiro celébrase o día contra a LGTBfobia no deporte.

Este día lémbrase e faise homenaxe a Justin Fashanu, un futbolista do Norwich City que foi dos primeiros en falar de homosexualidade en 1990. Justin terminou suicidándose en 1998, logo de oito anos marcados polo acoso e a violencia homófona.

Dende o departamento de Educación Física, Orientación, Bioloxía e Xeoloxía, dentro dos programas Iguala-T e Emociona-T xunto coa colaboración da Biblioteca do noso centro, queremos facer ver que afortunadamente hai moitas persoas do colectivo LGTBQ+ que destacan no mundo do deporte e defenden os seus dereitos. Para darlles voz instalouse unha exposición promovida pola Rede Educativa de Apoio LGBTIQ+ de Galicia.

Coa esperanza de que ninguén se sinta discriminado  no deporte por querer ser o que decida, ou querer a calquera outra persoa,  celebramos este día.

SEÑALIZACIÓN ESPAZOS IES

O Dpto. de Orientación, dentro das actuacións do CP Inclúe-T, fixo un traballo visual espectacular para señalizar todos os espazos do noso centro.

Para iso deseñou unha cartelería que despois de imprimir, plastificou e colocou por todo o instituto.

Deixamos aquí algún exemplo. Noraboa polo voso traballo.

CHARLA DAS FORZAS ARMADAS

Como todos os anos o alumnado de 4º ESO recibiron unha charla das forzas armadas, para explicarlles as diferentes saídas profesionais no exercito.

Actividade programada desde o Departamento de Orientación.

MEDITACIÓN NA ESO

Os grupos de 1º ESO, dirixidos polo profesor de EPV, Horacio, e a nosa orientadora, Mercedes, fixeron unha actividade conxunta para que o alumnado aprendese a meditar e a relaxarse, pensando nun traballo sobre os animais.

Despois de aprender varias técnicas, cada alumno/a pasou a explicar as sensacións que tivo e o animal en que pensaron.

Para máis adiante, nas clases de EPV, poñelo en práctica debuxando cada un o animal escollido.

Unha experiencia enriquecedora e moi orixinal.

MURAL DAS EMOCIÓNS

O Dpto de Debuxo xunto co Dpto de Orientación, plantexaron un curso mais un traballo conxunto sobre as emocións.

O alumnado participante foi de 1º ESO. E as mellores fotografías fixeron que ese alumnado poidera participar, nun obradoiro de fotografía, impartido pola nosa ex-alumna Noelia Caseiro.

O resultado é un bonito mural, que  está colocado permanentemente no corredor do edificio Antela, de maneira que os seus protagonistas poderan velo a diario, o vindeiro curso.

Noraboa polo voso traballo!!

EXPOSICIÓN 25 N

No edificio Antela, no corredor principal, temos exposta desde fai dúas semanas, unha exposición co motivo do 25 N. Trátase dos graffitis de Shamsia Hassani, a primeira muller artista de graffiti de Afganistán, que tenta combater a opresión na que viven as mulleres afganas cos seus debuxos.

Na organización da exposición o Dpto de Galego, Orientación e Debuxo.

MURAL DIVERSIDADE

Dentro do programa QUEROTE+, o alumnado de 3º ESO, coa sua profesora Ana Escudero, na materia de EPV, en colaboración co Dpto de orientación, fixeron un mural sobre a Diversidade.

Colorista e moi instructivo, traballamos os lemas que xurdiron nas diferentes sesión de Orientación.

Noraboa polo precioso mural e bo traballo!!