luns, 15 de decembro de 2025

PROXECTO MEMORIA VIVA

No mes de decembro o alumnado de Lingua e Literatura Galega de 2º de ESO B, C, D participou nun proxecto de recolleita de información relacionado coa Tradición Oral familiar, para o que se entrevistaron con persoas maiores para a continuación presentar os resultados nun mural compoñendo un collage colectivo.

Cada alumno-a falou con avós, avoas, tíos, tías... e pedíronlles que lle contasen romances, lendas, contos, coplas, cancións, refráns... Rexistraron os datos de cada informante e fixeron unha reflexión persoal sobre o que aprenderon coa actividade. Para a maioría foi un agasallo partillar tempo de calidade coas persoas maiores das súas casas e sorprendeunos a cantidade de saberes que albergan.

Cabe destacar que alumnado procedente de Marrocos, Perú, Venezuela... achegaron lendas dos seus países que nos agradou coñecer.

Por último, a actividade serviu para que a maioría dos alumnos-as puxesen en valor a súa vea artística e creatividade chegando a realizar murais espectaculares para os que botaron man de recursos de todo tipo: materias de refugallo, teas, papeis de cores, follas de árbores.

En definitiva, valoramos moi positivamente estas tarefas de reconstrución de memoria colectiva nas que participa toda a comunidade escolar. Parabéns!














luns, 1 de decembro de 2025

CAIXAS HORA DE LER

Toda axuda é pouca, por eso agradecemos ao alumnado voluntario participante para repartir as caixas de Hora de ler en todos os grupos do noso IES.

Moitas grazas!






martes, 21 de outubro de 2025

SEMANA DAS BIBLIOTECAS

Para conmemorar o Dia das Bibliotecas o vindeiro 24 de Outubro proponemos unha exposición cos títulos dos libros favoritos de cada un de nos.

Así visualizaremos moitas posibilidades de lecturas orredor da Biblioteca e os seus fondos.

Animádevos a participar!!



venres, 10 de outubro de 2025

OUTONO 2025

Xa chegou ou OUTONO no IES Lagoa de Antela!

A Biblioteca está a preparar moitas cousas!



domingo, 7 de setembro de 2025

BENVIDA AO NOVO CURSO

Todo listo para empezar!!! A vosa Biblioteca xa está preparada!

Bo comezo de curso 2025/26!!

mércores, 4 de xuño de 2025

ESPAZOS NOVOS NA BIBLIOTECA

No noso IES, nun lugar destacado da biblioteca, xa temos preparado o recuncho da radio, que montaremos nos vindeiros días e do cal gozaremos tanto neste final de curso, como en todo o que está por vir no seguinte.


Ademais, durante esta semana, a biblioteca renovou a súa imaxe, substituíndo a antiga pizarra dixital por un novo panel dixital, que converterá este espazo tan polivalente do noso centro, nun lugar tecnoloxicamente punteiro, preparado para continuar desenvolvendo unha infinidade de actividades dentro dunha biblioteca LÍA 3.






 MOCHILAS VIAXEIRAS

Un curso máis chegamos ao final de curso e desde a Biblioteca poñemos a vosa disposición o préstamo das Mochilas Viaxeiras.

Na biblioteca tendes toda a información que precisades.

Boas lecturas neste verán.





xoves, 3 de abril de 2025

TERTULIAS LITERARIAS

Na tarde do 3 de abril, celebrouse no Liceo de Ourense unha tertulia literaria moi especial entre o escritor Alberto Mancebo e un grupo de escolares arredor do seu libro Indolente. No fermoso salón da entidade, parte do alumnado de 3º e 4º de ESO do IES Lagoa de Antela, co libro nas mans, compartiron co autor as súas impresións, preguntas e emocións provocadas pola lectura. Mancebo, próximo e reflexivo, falou da orixe da obra, dos conflitos interiores do protagonista e dos silencios que percorren as páxinas. Os estudantes, atentos e participativos, descubriron novos matices do libro e comprenderon o valor da escrita como ferramenta para coñecerse a un mesmo e aos demais. A tertulia converteuse nun espazo vivo de diálogo entre xeracións, sensibilidades e maneiras de ver o mundo.







mércores, 12 de marzo de 2025

OLIMPIADA MATEMÁTICA

O Dpto de matemáticas celebra unha semana de moitas actividades no espazo da aula creativa, para conmemorar a semana das matemáticas.

Xogos, charlas e encontros que seguro disfrutaremos todos e todas con moitas gañas.








sábado, 8 de marzo de 2025

8 M DÍA DA MULLER

Visibilizamos o 8M, Día da Muller traballadora, cunha exposición de libros na Biblioteca, da que esperamos a aproveitedes para que sexa fonte de inspiración nesta data tan reivindicativa.











mércores, 5 de marzo de 2025

ENCONTROS CLUB DE LECTURA- XANEIRO/FEBREIRO

O Club de Lectura reuniuse para comentar as lecturas que os alumnos recibiran para o Nadal e as propostas para os primeiros meses do ano. Durante o encontro, os participantes compartiron as súas impresións sobre os libros seleccionados, debateron sobre as tramas, os personaxes e as emocións que lles provocaron. Foi unha xornada enriquecedora na que se fomentou a interacción e o intercambio de opinións, consolidando o espírito de comunidade literaria entre os membros do club. Agora, todos están máis ansiosos por continuar lendo e compartir as súas novas reflexións nas próximas reunións.



luns, 3 de marzo de 2025

SAÍMOS NO XORNAL LA REGIÓN

Como todos os anos por estas datas o noso Concurso de Máscaras sae no especial do ENTROIDO do xornal LA REGIÓN.





venres, 28 de febreiro de 2025

ENTREGA PREMIOS CONCURSO MÁSCARAS ENTROIDO 2025

O xoves vísperas do comezo das vacacións de Entroido, fixemos entrega dos diplomas e vales aos gañadores/as do Concurso de Máscaras.

Martín, Rodrigo, Lucia e Noa, posan así de contentos cos seus diplomas e nos estamos moi orgullosos de todos eles, polo seu esforzo e polos seus traballos tan espectaculares e ben feitos.

Noraboa!