CONCURSOS SAMAÍN 2024

Xa temos aquí as convocatorias de varios concursos relacionados co Samaín, da man do Dpto de Galego e EDLG.

Modalidade de MICROTEATRO de SAMAÍN e RELATO de SAMAÍN.

Tamén estamos a preparar o Concurso das Calabazas tuneadas desde o Dpto de EPV.

Tendes as bases nos corchos da Biblioteca e Normalización.

Animádevos a participar!

CHEGA O SAMAÍN!!

Todo listo para visibilizar o Samaín no IES coa axuda do noso alumnado colaborador!

VISITA A NOSA CHARCA

Hoxe tivemos visita do IES do Barral (Ponteareas).

@luso_barral

35 rapazas e rapaces de 3º ESO e o profesorado achegáronse ata Xinzo xa que queren recuperar unha charca no seu centro, e para iso quixeron visitar o noso pequeno humidal, construído o ano pasado por alumnado de 1ºESO no proxecto Refuxios.

O alumnado foi recibido por 4 alumnos e alumnas de 2ºESO que impartiron unha charla con todos os detalles do proxecto, desenvolvido por eles mesmos o curso anterior.

O alumnado do Lagoa expuxo o proceso de deseño e construción e as especies identificadas ata o de agora.

A seguir todo o grupo se desprazou á propia charca para facer unha mostraxe onde recollemos e identificamos a flora e fauna acuática.

Logo desta visita tamén puideron visitar a exposición Mar de Antela e descubrir todo o proceso de deseño e construción da mesma.

Unha vez rematada a visita, o alumnado pasou a visitar o IES Cidade de Antioquía onde tamén visitaron a súa charca.

Moitas grazas pola visita! Agardamos novas do voso proxecto.

 HORA DE LER

Xa temos todo listo para comenzar a HORA DE LER no IES.

Volvemos a retomar as caixas de lecturas que poñemos a disposición do alumnado nas aulas.

Comenzamos!

Boas lecturas a tod@s!

ORDENAMOS COLECCIÓNS

Unha das seccións que máis movimento ten, é a das coleccións.

Estivemos poñendo un gomet marrón para identificar mellor onde deben estar colocados estos libros, na Biblioteca. 

E aquí vos deixamos ao alumnado colaborador, ordenando a estanteria.

Grazas mil! Facendo equipo todo e máis fácil!

DÍA das BIBLIOTECAS

Todo listo na biblioteca para visibilizar o vindeiro 24 de Outubro o DÍA DAS BIBLIOTECAS.

Vinde pola Biblioteca para ver as exposicións que temos preparadas.

- Exposición " O libro Viaxeiro", alumnado de 4º ESO na materia de EPV.

- Exposición " Signaturas que son un tesouro", dos diferentes autores que pasaron polo noso IES e adicaron un exemplar das suas obras.

- Exposición con lecturas en Galego de diferentes temáticas.

CARTAZ BIBLIOTECA CURSO 2024-2025

O cartaz que acompañará as bibliotecas escolares de Galicia neste curso  "Representa unha obra teatral do poema de Xohana Torres "Eu tamén navegar", no que Penélope (da Odisea) deixa o tapiz que traballa e desfai e sae a vivir aventuras. Despois ao regreso remata o tapiz engadíndolle novos elementos da súa viaxe (o tapiz que hai detrás da nena que está a leer a obra teatral)" segundo indica a súa autora, a ilustradora e muralista Xoana Almar. 
 

Unha imaxe enraizada no cartelismo galego que abre as portas a traballar o teatro en todas as súas variantes. As nosas bibliotecas escolares saen a escena para ler, interpretar, radiar, escribir e gozar co TEATRO.