17 DE DECEMBRO- TERTULIA LITERARIA CLUB DE LECTURA PROFESORADO

Tertulia literaria sobre A escola do cantode Neyl Lleishon: unha conversa entre profesoras

O pasado 17 de decembro, un grupo de profesoras do noso centro reuniuse para celebrar unha tertulia literaria arredor da novela A escola do cantode Neyl Lleishon. Esta actividade, impulsada co obxectivo de fomentar o debate e o goce da literatura, permitiunos compartir impresións, análises e reflexións sobre unha obra que nos atrapou dende as súas primeiras páxinas.

A novela, que aborda temas como a superación persoal, o poder transformador da música e a loita contra as adversidades, deu pé a unha conversa fonda e enriquecedora. Durante a tertulia, comentamos a evolución dos personaxes, a intensidade emocional da historia e o estilo narrativo da autora, que consegue transportar ao lector a un mundo de sons, sentimentos e descubrimentos.

Cada unha das participantes achegou a súa propia visión, establecendo paralelismos con outras lecturas e experiencias persoais. O diálogo fluiu con naturalidade, combinando momentos de análise crítica con instantes de emoción compartida. Ademais, destacamos a relevancia da novela para o ámbito educativo, pois invita a reflexionar sobre a importancia da arte na formación e no desenvolvemento das persoas.

Ao remate da sesión, quedamos todas coa sensación de ter vivido unha experiencia enriquecedora, que nos motivou a seguir explorando novas lecturas xuntas. Sen dúbida, esta tertulia foi unha mostra do poder da literatura para unir e inspirar.

Tamén, fíxose entrega da seguinte novela que se vai ler. Esta é Retrato de casadade Maggie O´Farrell. 

 Agardamos con ilusión a próxima cita literaria!

ENCONTRO LITERARIO XOSÉ MIRANDA

Encontro literario con Xosé Miranda: unha mañá de debate e reflexión sobre Morning Star

O pasado 26 de novembro, o alumnado de 4º da ESO tivo a oportunidade de participar nun encontro literario co escritor Xosé Miranda para falar sobre a súa novela Morning Star. A actividade, organizada dentro do programa de fomento da lectura do noso centro, permitiu un achegamento íntimo á obra e ao proceso creativo do autor.

Durante a sesión, Xosé Miranda compartiu con nós detalles sobre a inspiración para a novela, os seus personaxes e a ambientación, transportándonos ao mundo de Morning Stara través das súa palabras. O alumnado, que xa lera a obra previamente, participou activamente cunha serie de preguntas e reflexións sobre os temas centrais do libro: a amizade, a liberdade, a supervivencia e as loitas persoais dos protagonistas.

A conversa foi enriquecedora e permitiu debater sobre aspectos como o estilo narrativo, a construción dos personaxes e o impacto emocional da historia. Xosé Miranda, cunha gran proximidade e sentido do humor, respondeu a todas as inquietudes do alumnado e animounos a seguir explorando a literatura como unha ferramenta para comprender o mundo e a nós mesmos.

O encontro rematou cun momento moi especial no que os estudantes tiveron a oportunidade de que o autor lles asinase os seus exemplares da novela, ademais de recibir recomendacións doutras lecturas interesantes.

Sen dúba, esta actividade foi unha experiencia inesquecible que deixou pegada en todos os asistentes. Grazas a Xosé Miranda pola súa xenerosidade e ao alumnado pola súa implicación. Agardamos con ganas máis encontros coma este!

MURAL CONMEMORACIÓN 25 N

No edificio Antela, colocamos este mural permanente para visibilizar a data do 25 N.

CARTEIS GAÑADORES 25N

Aquí vos deixamos os carteis gañadores do Concurso do 25 N, organizado polo Dpto de EPV no nivel de 3º ESO.

Gabriela Lama Feijóo 3º ESO C

Sabela Gómez 3º ESO B

Lucía García Feijoo 3º ESO C

Noraboa aos premiados e moitas grazas ao ANPA, polos agasallos e polas aportacións nesta data.

CONCURSO CARTEIS 25 N

Desde o Dpto de Debuxo na materia de EPV, convocamos un concurso de deseño de carteis nos cursos de 3º ESO.

Nas clases aprendimos a manexar programas de deseño como Picollage e Canva, para facilitar a base do traballo.

A resposta por parte do alumnado está sendo espectacular. E os traballos de moita calidade.

Están expostos no holl da cafeteria e despoís serán levados a Casa da Cultura de Xinzo como unha actividade fomentada pola Asociación de pais e nais do IES.

Aquí vos deixamos fotos dos traballos. Moitas grazas pola vosa participación!

1ª LECTURA CLUB DE LECTURA ALUMNADO 24/25

1ª LECTURA- AUDIOLIBRO INVISIBLE

O Club de lectura do IES Lagoa de Antela “Nós tamén navegar” formado polo alumnado de 3º e 4º de ESO inaugurouse ca obra Invisible de Eloy Moreno. 

Desta volta, achegámonos á obra a través do audiolibro, facendo uso da plataforma E-LBE.2. Así, descubrimos moitos dos beneficios deste instrumento como a mellora da concentración e da imaxinación, posibilitan escoitalos mentres se fan tarefas e permiten conectar emocionalmente cas voces do libro. 

Durante as reunións, imos comentando cuestións básicas do libro, sacamos reflexións persoais sobre a experiencia lectora e mesmos debatimos sobre as nosas preferencias como ¿libro en papel ou audiolibro?

MAGOSTO 2024

Aqui vos deixamos información nestes preciosos carteis de todas as actividades previstas na celebración do Magosto no noso IES, o vindeiro venres 8 de Novembro.

Toca divertirse e disfrutar!